شباب العرب

مدير منتدي راح يُخطب شوفوا عمل ايه؟؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل

مدير منتدي راح يُخطب شوفوا عمل ايه؟؟؟؟؟؟؟؟؟؟؟

مُساهمة من طرف نيرة في 28th أغسطس 2012, 1:34 pm

بسم الله الرحمن الرحيم

•••كان مدير المنتدي مرتبط بموعد مع العروس وأهلها ليتقدم إليها ولكنه لم يشأ أغلاق المنتدي لمدة ساعة وهي مدة اللقاء مع الأهل
فأخذ اللابتوب معه وشحنه علي آخره وتابع الردود علي الأعضاء في صفحة الشكاوي وهو في طريقة للمنزل راكبا التاكسي
بمجرد وصوله إلي العروس سأل عن أقرب فيشة كهرباء لأن الشحن شارف عليالأنتهاء.

والد العروس:أهلا يابني ...أزيك!!!!
المدير(وهو مشغول بلوحة المفاتيح اللابتوب):أهلا بيك يا عمي......أنا يُشرفني إني اطلب إيد بنتك مها......
.....موافق ولا لا!!!!!!!!!

--بادل كلا من والد العروس ووالدتها وأخيها نظرات دهشة
والد العروس(مستغرباً):حضرتك بتكلمني ولا بتكلم حد علي الأنترنت.

المدير(مازال منشغلا بلوحة المفاتيح):لا يا عمي أنا بكلمك إنت هو معقولة أتكلم مع حد غيرك وأنا قدام حضرتك.
والد العروس؛طب يا بني طالما بتكلمنا بُصلنا طيب
المدير(لم يرفع عينه ويديه من علي الجهاز):ليه يا حاج هو أنا هتكلم بعيني ولا ببقي!!!!؟؟؟؟

•••أقترب الولد الصغير(٨سنوات)من العريس مبهورا بالابتوب(الجهاز المحمول)وهو يقول:
عمو ...هو الجهاز ده فيه ألعاب كتير زي الأتاري إللي عندي!!!!!!
العريس(مازال منشغلا بجهازه)أيوه يا حبيبي وأحلي من البي عندك كمان
الصبي:طيب ممكن ألعب شوية ....عشان خاطري يا عمو
•••هنا فقط رفع العريس عينية من علي جهازه لأول مرة وتوقف عن الكتابة وهو يوشوش في اذن الصبي

العريس:لو خليت أبوك يوافق عليا هلعبك كتير قوي

طار الصبي وهو يقول:
بابا باباب انا موافق إن عمو يتجوز أختي الكبيرة أبله مها
ثم التفت إلي العريس وهو يقول:
ألف مبروك يا عمو!!!!!

الوالد(صارخا)؛
امشي ياد خُش ذاكر.......مبقاش إلا أنت يا أبو رياله أللي هتوافق ومتوفقش
(مشي الولد باكيا ولم يهتم به العريس وقد عاد إلي جهازه منشغلا

الوالد:إنت يا حبيبي إنت كمان...إنتآيه حكايتك؟؟؟؟؟
العريس:حكايه إيه يا عمي...انا معنديش حكايات إنت عندك؟؟؟!!!!!
الوالد(بضجر):إنت جاي تهزر....
(لم يعره العريس أي أهتمام وقد ظهر مشغول بموضوع ما علي جهازة)

•••فأقتربت الأم من الوالد وتكلمت هامستا
الام؛إلا قولي يا بُرعي...هو الجدع ده بيعمل إيه علي البتاع الي معاه ده
وإزاي بيكلمنا وهو بيحرك إديه الاتنين علي الزراير دي كلها؟؟؟؟
الوالد:والله معرفش يا تفيدة...يظهر والله أعلم أنه بيكتب الكلام إللي بيقوله لنا فيطلع من بقه!؟؟؟!!!!!
الأم:يا ندامتي!!!!!!معقوله دي يا بُرعي!!!!!
الاب:طبعا يا تفيدة معقوله ما هو احنا في عصر التكنولوبيا!!!
إنتي مش شفتي إزاي كان ملهوف علي أي فيشة كهربا اول ما جيه لان الشحن بتاع الكلام بتاعه كان هيخلص!!!!!
الام؛يا خويا اللي يعيش يا ما يشوف!!!!!!!!!
علي كده يا بُرعي لو النور قطع هيبقي أخرس!!!!!
الام:طيب يا خويا لازم لو وافقت عليه نشتري للبت كرتونه حجارة قلم علشان تبقي عامله حسابها في اي وقت!!!!
الاب(صارخا):هو انا معقوله اوافق علي الاله دي..ليه من قله الرجاله يعني

العريس:حضرتك بتكلمني يا عمي
الاب:لا يا حبيبي انا بكلم تفيدة
العريس:تفيدة مين؟؟؟؟
(دخلت العروس في هذه اللحظة مكسوفه وهي تنظر الي الارض وبيدها اكواب العصير ولكنها لم تلاحظ فيشة الكهرباء
فانقلبت علي وجهها ارضا وانفصلت الفيشة
العريس(صارخا):ايه اللي هببتيه ده....انتي ازاي تفصلي الجهاز!!!!!!
الام(بصوت خافت):يا حلاوة...اهو بيتكلم من غير كهربا اهو يا بُرعي
الاب(بصوت خافت):ما هو كان شخن علي الاخر يا تفيدة...افهمي بقي
ثم التفت الي العريس قائلا:
الوالد:ايه يا بني قله الذوق دي انت بتصرخ في عروستك وانت جاي تتقدملها؟!؟؟؟؟؟
ده بدل ما تساعدها انها تقوم وتودها بكلمتين بعدما فيشتك الهباب دي وقعتها

العريس:يعني اساعدها تقوم ولا الحق اشغل الجهاز عشان المنتدي ما يتعطلش؟
الاب:ده جيل ايه ده..هو جاي لينا منين ده!!!!!!
العروسه؛من النت يا باب....من النت
الام:البه يقطع النت واللي شغاليين في النت يارب تيجي عاصفة تسوماني علي النت واللي فيه!؟؟؟؟؟
الاب:ممكن بقي يابني تقفل المخروب ده وتكلمنا شويه
العريس:خلاص يا عمي المساعد بتاعي جه بدالي دلوقتي

التفت الجميع حولهم يبحثون عن ذلك المساعد
فضحك الموديراتور
العريس(ضاحكا):لا يا جماعه انا اقصد ان المساعد بتاعي اخذ مكاني في الشغل دلوقتي يعني انا دلوقتي جاهزلاي استفسار لمدة١٥دقيقة
الاب؛لا حول ولا قوة الا بالله..طيب يابني طالما مش فاضي ليه حددت المعاد
مش كنت تحدد معاد تكون فاضي فيه
العريس:يا عمي خير البر عاجله
الاب:طيب..احنا لسه متعرفناش باسمك ولا شغلك ولا سنك ولا شهاداتك ولا اي حاجة خالص!!!
العريس:انا اسمي موديراتور....ده الاسم المستعار
••ضحكت العروسة وهي تقول:لا يا ماما ده النيك نيم بتاعه
العريس:خلاص يا جماعة ......
انا اسمي سعيد وعندي ٢٥سنة يعني تابيدة!!!
معايا شهادات كتيرة لو قلتها لكم كلها يبقي هنقعد يومين فبلاش احسن
وشغلي مدير منتدي اسمه الفقر حشمه

نظرا الاب الي المدير وملابسه البسيطة غير المتناسقة وهو يقول:
سيماهم علي وجوههم
العروسه(مبتسمة):بجد انت المدير يتاع الفقر حشمة..دة انا مشتركة فيه من ٥شهور

العريس:ما شاء الله بس انتي مش ملتزمة بفوانين المنتدي ولابسه كويس وعايشه في عيشه اخر ابهه
العروسه:انا عملت كده عشان عارفة ان فيه عريس جاي يخطبني
الاب:انت با بني عاوزها تلبس ايه ..هدوم مقطعة
العريس:لا يا عمي خلاص مش المهم لما ابقي اتجوزها ابقي اقطع لها هدومها!!!!
الاب:ومين قالك اني وافقت عليك اصلا
العروسه:ومتوافقش ليه با بابا ده حتي الموديراتور اكيد هيخليني مميزة في المنتدي مش كده برضه يا موديراتور
العريس:طبعاً وهعينك مهانا من المشرفين علي قسم لوحدك
العروسه(بسعادة):بجد..هتعييني مشرفة علي قسم لوحدي
العريس:طبعا وهديكي اسهل واحسن قسم في المنتدي
العروسه(فرحانة):هيييييه...هتديني قسم ايه؟؟؟؟؟؟؟
العربس:الشكاوي!!!!!
العروسه(صارخه):لا ارجوك،،،كله الا الشكاوي
هز العريس كتفيه وهو يقول:خلاص نفتح قسم للوفيات واعينك مشرفة عليه

الاب:يا تري خلصتوا ولا لسه
•نظر العريس في ساعته وهو يقول:انا فعلا وقتي قرب ينتهي لان المساعد بتاعي عنده ميعاد مهم ولازم ادخل مكانه
الاب:انا مش موافق علي الجوازه ده
العروسه؛ليه يا بابا ده انا.....

قاطعها الاب صارخا:
اخرصي يا بت انتي وروحي ذاكري لاخوكي
خرجت العروسه باكيه غاضبه بينما التفت الاب الي العربي قائلا:
شوف يا بني ..لما تبقي تفضي للجواز ابقي تعالي اتجوز بنتي
لكن طول ما انت في الفقر حشمة دم ما لكش عرايس عندي فاهمني
العريس:خلاص يا عمي براحتك...بس اذا كان منتدي الفقر حشمة هو اللي مزعلك انا ممكن اسيبه
الاب:فرحا بجد يا بني ..طب سيبه هو فعلا اللي مزعلني
لو سبته انا هسيبلك بنتي بدون اي كلام
شكرة العريس ثم جاء اليه في اليوم التالي ومعه نفس اللابتوب وهو يقول:
انا سبت الفقر حشمة من امبارح وبقيت مدير لمنتدي تاني اسمه(البؤساء)

سقط الاب علي الرض ميتا وصرخت الام وبكي العروسه واخيها الصغير
بينما جلس العريس في غرفة الصالون يتابع منتداه الجديد



والله المدير ده بارد وما عنده دم من اصله

تحياتي:
نيرة(جوهرة متألقة)

منقولللللللب لاسعادكم

__________________________________________

__________________________________________
MY SITE
neerakh5

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
avatar
نيرة
نائب المدير
نائب المدير




انثى عدد المساهمات : 567
نقاطي : 1714
شهرتي : 6
العمر : 21

https://sites.google.com/site/neerakh5/

الرجوع الى أعلى الصفحة اذهب الى الأسفل

رد: مدير منتدي راح يُخطب شوفوا عمل ايه؟؟؟؟؟؟؟؟؟؟؟

مُساهمة من طرف B0ss في 3rd سبتمبر 2012, 3:16 pm

ههههههههههههههههههههههههههه

القصة حلوة بس فيها مبالغة

haha

__________________________________________

__________________________________________
[color=red][size=18]
_____

[center][ندعوك للتسجيل في المنتدى أو التعريف بنفسك لمعاينة هذه الصورة]
avatar
B0ss
...:مدير المنتدى:...
...:مدير المنتدى:...

ذكر عدد المساهمات : 437
نقاطي : 2595
شهرتي : 12
العمر : 20
الموقع : shabab-arab.7olm.org

http://shabab-arab.7olm.org

الرجوع الى أعلى الصفحة اذهب الى الأسفل

رد

مُساهمة من طرف نيرة في 3rd سبتمبر 2012, 3:22 pm

شكرا
ومدام انك ابتسمت من قراءة الموضوع
وده هدف المشاركة
وهو اسعاد مايقرا الموضوع
نورت

تحياتي:
نييرة(جوهرة متألقة)

__________________________________________

__________________________________________
MY SITE
neerakh5

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
avatar
نيرة
نائب المدير
نائب المدير




انثى عدد المساهمات : 567
نقاطي : 1714
شهرتي : 6
العمر : 21

https://sites.google.com/site/neerakh5/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى